Minggu lopeh den poi solat Jumaat. Macam biaso lopeh solat masuk masjid den ready nak dongar khutbah.... Tongah den fokus pado khutbah... tibo- tibo den dongar bunyi bom dalam masjid... Siap ado bunyi orang menjorit dalam masjid... Den kek Mano pulak ni siap ado bunyi orang berporang bagai... Den toleh Kiri kanan... Xdo pulak kapal perang dalam masjid ni... Pueh den cari akhirnyo den perasan ado budak tongah men game dalam mesjid... Bertuah punyo budak... Dalam mesjid pon jadi nak men game... Sound dio pun kuek semacam. Paling best bapak dio yang memangku budak tu buek x rhoti Jo tgk anak dio men game... Akhirnyo terpaksolah den dongar khutbah bersound efekkan bunyi porang... Goram memang goram... tapi kutbah wajib kono dongar
Hebat betul generasi den sekarang... pengetahuan teknologi maklumat memang tip top... Kekadang sampai den pon serender dongan diorang kalo crito bab berkaitan IT ni.. Banggo den.. Tapi yg x bestnyo, kebanyakannyo trlalu taksub dongan gadjet sampai x tau mano realiti, mano fantasi... Ke mano-mano asyik dongan gadjet... Nak makan, main bola, sampai poi tandas pon dok usung gadjet.
Kalo dulu waktu makanlah waktu bersamo keluargo... Sekarang waktu makan pun dok sibuk bersosial dongan orang lain... Hilang dah keharmonian berkeluarga ketiko makan bersamo.... Den teringat maso kocik dulu ( Maso ni mano ado henpon sumo tu, yang ado public phone kek luar rumah) waktu makan malamlah ayah den sibuk tanyo pasal sekolah den... time tu lah den dongar nasihat dari omak den... syahdunyo raso time tu.... tapi time sekarang.... duduk jo semejo tapi jiwo semuo torbang berfb, twitterlah segalo bagai... tak taulah nak koba camno....
Jangan biarkan teknologi menjajah jiwo kito yang merdeka ini
