Den & Berbokam

Assalamualaikum....

Baru-baru ni den mengalami gastrik yang amat teruk... doktor cakap tahap 3 dah.. injap dalam perut den xleh nak tertutup. Akibeknyo, angin penuh satu badan den, tak leh nak bernafas jugolah. Oleh sobab yang domikian, den menggoogle solusi nak buang angin dan den jumpo kaedah bokam.

Kaedah ni memang menjadi sunnah Nabi Muhammad S.A.W untuk merawat penyakit. Caronyo dengan melukokan sedikit bahagian kulit badan dengan jarum ( tak sakit pon... goli jo lobih) dan darah kotor akan disedut menggunakan penyedut khas.

Lalu den pon bertanyolah sesiapo yang terrer buat bokam ni dan den jumpo Brader Zamil yang tinggal dokek puchong. Den tanyo ado tak bokam untuk gastrik, dio cakap ado dan dio sanggup ke rumah den untuk membokamkan den. Den tanyo pengorehnyo ( selalunyo orang cas ikut bekas bekam atau orang panggil cup), dan den terkojut pengorehnyo memang murah sesangat. Tapi tak po den nak tengok servisnyo pulak, berbaloi tak dongan rogo yang spesel tu.

So (cakap omputih pulak den ni) den setuju nak jumpo dio pukul 5 kek umah den. Sampai jo ko rumah den, mako operasi berbokam pun bermulo. Mulo-mulo disuruhnyo den baring dan disapunyo minyak dokek point-point bokam kek badan den. Untuk gastrik pointnyo di dopan badan ( selalu kito tengok kek belakang). Mako disodutnyo angin den dulu.... memang banyak angin den... paneh jo cup tu den raso. Selosai bokam angin dio buek pulo bokam darah ( ni yang ngori sikit ni). Di cucuknyo badan den dengan pin khas pado point bokam. Den kiro adolah lobih dari 20 point bokam dio buek kek badan den ni ha. Dalam seminit macam tu den tengok dah banyak darah dan angin yang keluar.. badan den raso ringan sikit.

KEPALO DEN DI BOKAM

Bilo habis jo operasi bokam, dio offer den 1 point dokek kepalo. Katonyo itu point yang paling bagus untuk merawat penyakit, tapi ramai yang tak nak buat sobab kono cukur kepalo. Tapi den kisah apo cukur kepalo janji badan den sodap. Mako den pun bueklah bokam kek kepalo. Bilo cup mulo menyodut darah kek kepalo den, den raso macam nak tercabut kepalo ni ha, tapi bilo selosai jo... perghhh.. sodapnyo bukan main, ringan kepalo den ni ha... 

Bagi sapo-sapo nak try bokam untuk kesihatan badan korang den nak rekomen brader Zamil ni... servis tiptop dan harga memang terbaik... den dah kiro kalo orang amek RM5 untuk 1 cup, kalo 20 cup dah seratus.... Brader tu buek dokat den dalam 25 cup cumpo RM60 jo, siap datang rumah...

Nak try dongan brader Zamil boleh call dio ............ 0173128036